السيناريو الكامل لباب الحارة 5
الحلقة 1
تبدا الحلقه كما انتهى عليه الجزء الرابع
المشهد 1 :
مامون بيك : اهلين بعقيد حارة الضبع " يخاطب معتز "
معتز يرفع يده ليرد على التحيه ..
الشيخ عبد العليم وابو حاتم ما بيعجبهن الوضع وقبل اي تصرف وردة فعل عن الشي اللي حكاه مامون بيك .. يصرخ الحكيم حمزه " معتز !!!!!!!!!! ويرمي نفسه مسرعا امامه وفي هذه اللحظه تنطلق طلقة مسدس ابو طاحون ليتلقاها الحكيم حمزه بصدره ويفدي معتز بروحو.. دربكه بين الجالسين وملاحقة الفاعل ومن ثم القبض عليه ...
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
☆☆☆☆☆☆☆☆
المشهد 2 :
مامون بيك راح للكاركون ليشوف شو بدو يعمل ..
يجد نوري فيساله عن ابو جودت فيقول له خرج في مهمه ..
مامون بيك : مين هاد ابو طاحون يا نوري ؟؟
نوري : سيدي اللي بعرفوا انو تاجر سلاح وقبل شهر انحبس عنا متل ما سمعت لانو انا من فترة قليلة رجعت عالكراكون .. بس ما بعرف ليش ابو جودت طلعوا من الحبس مع انو عملتوا كبيره ..
مامون بيك في سره ": له يا ابو جودت عم تلعب على الثقيل" ..
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 3 :
حالة حزن على الحكيم حمزه ومعتز يحمل نفسه المسؤوليه ويشتاط غضبا بقلب العزا ورجال الحارة بيهدوه ..
على ابو حاتم يحدث نفسه بامور انقلاب الحاره بعد مجيء مامون بيك . وبان الكل مرتاح لتصرفاته ويبدو ان الوضع لا يعجبه
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 4 :
معتز يحدث نفسه بالمظافة " له يا ابو العز من اول ما استلمت الحارة راح واحد من زينة شبابها بعدين بلف على الجهة التانية وبيقول : حرام هالشوارب اللي بيوشي اذا ما قتلتك يا ابو طاحون وانا ابن الحكيم ابو عصام..
يبدا معتز بالتصرف كعقيد للحاره من حيث تشديد الحرساه والقائه الاوامر هنا وهناك " الامر الذي لا يعجب كبارية الحاره وعلى راسهن ابو حاتم "
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 5 :
ابو حاتم : " شو يا ابو العز " بعرفك ابضاي ... هيك اتعلمت ..تستغل غياب خالك لتستلم محلو
ابو العز يصرخ غاضبا : ما بسمحلك تحكي هيك .. خالي عقيد الحاره وراح يضل عقيدها .. بس ما حدا بيحقلو يسد غيابو غيري .. وبس يرجع بالسلامه راح كون اصغر واحد فيكن
عصام : يا ابو حاتم اخي معتز احق واحد بالحارة ... يعني بدك نحط ابو بدر عقيدنا ..؟ ... شو عمي ما تحكي !!
ابو حاتم لا يعجبه الكلام ..
وهنا يتدخل مامون بيك ..
" يا جماعه بيرضيكن الحاره تكون بدون عقيد ..نحنا هلا بواقع بيقول انو عقيد الحاره غايب ولازم حدا يسد مكانوا مشان هيبتنا بين الحارات .. اذا مو عاجبكن معتز شوفوا بينكن حدا بيقدر يسد محل ابو شهاب غير ابو العز .. في ابضاي بوزن معتز ... ؟؟؟
ابو العز يتبسم ويقطع الابتسامه
ابو حاتم قائلا: . ما اختلفنا انو زكرت وابضاي وسيد ابضايات الشام .. بس مو بهي الطريقه بيصير عقيد علينا .. شو ما في كابريه بالحاره وانت يا مامون بيك ما صرلك بالحارة الا فترة قليلة وبدك تمشينا على كيفك ؟؟
مامون بيك غاضب : يا ابو حاتم .. انا ابن اخو الزعيم وانا ابن عيلة الضبع اكبر عيله بالحارة..وبعدين بيقول : حدا عندو اعتراض انو ابو العز يكون عقيد الحاره ؟؟
الصمت يسود الجميع وسط انسحاب ابو حاتم وابو بشير ومن ثم يتبعهم الشيخ عبد العليم في حالة من عدم الرضا ..
مامون بيك في سره : وهلا بلش الشغل المزبوط
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 6 :
ابو النار : لك نمس شو رايك بالي صار بحارة الضبع .. ليكون الك ايد بالقصة ها !!
النمس : له يا عقيد اهل حارة الضبع من عظام هالرقبة والرقبة شدادة بعدين انا فاتح دكانه عندن ومالي مصلحة عاديهن لكااااااااااان ...
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 7 :
فوزية : لك ابو بدر شايف هالصغيرة شو حلوة ومبسوطه بالعيشه عنا لك ان شا الله بتقربني شو حلوة .
ابو بدر : بس يا فوزية انا خايف بكرا يطلعلها قرايبين ويصير بدهن ياها والله انا مو قد المشاكل يا فوزية
فوزية : لك بلكي لوقتها بتكون صرت رجال لك هاا اطقني على هالحظ معك .
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 8 :
ابو حاتم " بيرضيكن اللي عم يصير بالحاره؟؟
الحكيم حمزه استشهد على ايد ابو طاحون اللي ما عرفنا مين وراه
والحاره مكركبه .. شو القصه يا جماعه ..
الشيخ عبد العليم " يا جماعه قال تعالى (وامرهم شورى بينهم ) خلينا نكون صريحين نحنا ليش معترضين على انو يكون معتز عقيد للحاره ؟؟؟
ابو بشير :يا شيخي المساله مو انو معترضين عليه ..نحنا بحارة الضبع ما تعودنا حدا يفرض رايو علينا وما عاش ياللي بدو يفرضو علينا .. شيت انو مامون بيك ابن مبارح في الحاره وقلبلنا اياها فوقاني تحتاني هذا الشي ما منقبلو بنوب .. بعدين يا شيخي معتز عصبي وعجول ودمو حامي .. هو ابضاي بس مو يكون عقيد علينا شيييييييه .
ابوحاتم : ايييييييه والله الوضع ما بطمن بنوب .. الله يستر من الجاية ....
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 9 :
في احدى حارات الشام تظهر عائله جديده تتكون من شاب " ابضاي " واباه العجوز .. هذا الشاب يكون قصي خولي " واسمو عمر" والاب العجوز خالد تاجا:
عمر : مساء الخير .. شلونك اليوم يابي ان شاء الله تمام
الاب العجوز : الحمد لله يابي .. شو شلون شغلك اليوم؟ ..
عمر : تمام يابي تمام انت بس دعيلنا .... ويتابع ..
شو وينو ابو مكوك .. ماني شايفو؟ ..
الاب العجوز : متل العادة بيكون بالبساتين ما بتلاقيه الا رجع ..
عمر يسرح بخياله ويستعيد ذكرى يوم من الايام كان متمشيا بين البساتين.. يمشي ويمشي ولحظه يشعر بالتعب ويرى اثار دماء ..
يلاحق ذاك الاثر الى ان يصل لحفره فيها رجل معبا بالدم وفاقدا للوعي ...
هذا الشخص يكون " ابو عصام " : عباس النوري
Source
الحلقة 2
المشهد 1 :
استمر عمر في خياله ونزل للحفره فيجد ابو عصام قد اصيب اصابات بالغه وهو يتاوه ، فقد كان على قيد الحياه .. حمله معه للبيت ..
الاب العجوز : شو هادا يابي ؟؟
عمر : والله ما بعرف يابي ... لقيتو بحفره وانا عم اتمشى بالبساتين ..
وهنا ينتهي عمر من خياله .. فيساله ابوه :
عمر .. عمر . شو وين سرحت ؟
عمر : والله يابي عم فكر بابو مكوك صرلو سنتين من يوم ما لقيناه متصاوب .. ومن يومها لليوم وهو على نفس الحاله ما عم يتذكر شي ولا بيعرف مين هو .. ولا من اي حاره وشو اللي صار معو ومتل ما بتعرف من يومها سما حالوا ابو مكوك لانو بيضل متل المكوك الحايك رايح جاي على هالبساتين .
الاب العجوز : والله يا بي هالرجال قصته غريبه ..
وهنا يدخل عليهن ابو عصام ..
السلام عليكن ..
الاب العجوز وعمر : اهليين ابو مكوك وعليكم السلام ..
عمر : شو وين كنت لهلا يا ابن الحلال ؟
ابو مكوك : والله كنت عم اتمشى بالبساتين .
عمر :عمي بدي اسالك ليش انت كل يوم بتطلع بتتمشى برات البيت وما بترجع الا المساء
ابو مكوك: والله يا ابني ما بعرف عم حاول كل يوم اتذكر مين انا وشو اللي صار معي وعم روح لنفس المكان اللي لقيتني فيه وبحاول اتذكر اللي صار معي بس ما عم احسن .. ما عم احسن ..
الاب العجوز : اي طول بالك الا ما ترجعلك ذاكرتك .. ومن هون لوقتها انت بعهدنا ومنا وفينا واللي بيصيبك بيصيبنا
ابو مكوك : والله ما بعرف شو بدي قلكن .. بس والله فضلتوا على راسي .. والشي اللي عملتوه معي ما راح انساه بحياتي.
المشهد 2 :
ام عصام : شو ام زكي طمنيني شلون حمل هدى ان شالله كل شي تمام
ام زكي : يوووه لك عال العال وان شا الله بتجبلكن الصبي يا حق.. شو مافي شي نبل ريقنا !!!
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
☆☆☆☆☆☆☆☆☆☆☆
المشهد 3 : خاطر وابو العز وعبدو في الحمام
خاطر : لك ابو العز .. فكرك مين هادا ابو طاحون وليش كان بدو يقتلك؟ ..
ابو العز : والله ما بعرفو يا عبدو بس عصام حكالي انو مره ايجا لعندو عالدكان بدو ياخذو ليطهر ابنو بس رستم الدركي دخل عليهن وصار يحكي مع ابو طاحون والظاهر انو بيعرفو .. ومشان هيك ابو طاحون حمل حالو واجل الطهور ..
عبدو : يا لطيييف ..
خاطر وابو العز : شبك عبدو ؟؟
عبدو : لك لا يكون كان بدو يسحب عصام برا الحارة ليقتله هو كمان ...؟؟؟
ابو العز :لعمى والله معك حق يا عبدو .. بس ليش ومين باعتوا .. الا ما قوصه هالواطي حتى لو كان بحضن امو ...
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆ ☆☆☆☆☆☆☆☆☆☆☆
المشهد 4 : ابو جاسم ومامون بيك
ابو الجاسم : اي مامون بيك شو بدي قول ... معتز مقروق كتير من قصة مقتل الحكيم حمزة وحاطط براسو يقوص ابو طاحون وين ما كان ...
مامون بيك : اي شو عليه . هذا عكيد الحاره / وما لازم يمرق هيك شي بدون حساب ...
المشهد 5 : مامون بيك يتجه للكاركون
يطرق الباب على ابو جودت .. ويدخل نوري ..
ابو جودت : شو في يا نوري ؟
نوري : سيدي هذا مامون بيك بدو يشوفك ..
ابو جودت : لك .. لك يا بغل وتاركو بره .. فوتوا دغري ..
ابو جودت : اهلييين . اهلييين بالبيك .. نور الكاركون والله
مامون بيك : اهلين ابو جودت ..
ابو جودت : سيدي شو بتحبوا تشربوا ..
مامون بيك : لا ما في داعي بس انا جاييك بخصوص ابو طاحون ..
ابو جودت يتلبك .. ويتمتم : ايه ابو طاحون ... شبو ابو طاحون مامون بيك؟؟
مامون بيك : مين هادا ابو طاحون!!!
ابو جودت : هذا واحد ازعر وقوص الحكيم حمزه ولازم ياخذ جزاه ..
مامون بيك ينهض من على الكرسي ويقترب من ابو جودت .. : بس يا ابو جودت ابو طاحون كان بدو يقوص معتز ..
ابو جودت : هاااااااااااااااااااه .. ويحمر وجهه ..
مامون بيك : شوف يا ابوجودت لا تلف وتدور عليي .. انا بعرف انك بعتت ابو طاحون ليقوص معتز ..
ابو جودت يتلبك اكثر ويرمي الكلام هنا وهناك فيقطع عليه مامون بيك ويقول :
ابو جودت .. لا تجدبها .. انت ليش بدك تخلص من معتز
ابو جودت : بس انا ...
مامون بيك : انت بدك تنتقم منو على الشي اللي عملوا معك .. ويتابع .. انا ما راح احكي لحدا انو الك ايد بالموضوع // " ويخرج بعض النقود من جيبه ويعرضها على ابو جودت " ويتابع .. بس اهم شي تعمل اللي بقلك عليه وما راح تكون الا راضي وتاخذ بتارك من معتز بس مو بالطريقه هي ..
ياخذ ابو جودت المال وهو يبتسم وينظر لمامون بيك باعجاب ويقول له ..
وهلا شو بتريدني اعمل
مامون بيك : كل اللي بدي اياه منك هلا انك تحرص على ابو طاحون ولا تخلي حدا من الدرك يحقق معو .. وان سالك رجال حارة الضبع عنو قلهن انو تحت التحقيق ..
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
☆☆☆☆☆☆☆☆☆☆☆
المشهد 6 : ابو الحكم وابو النار في محل ابو النار ..
ابو الحكم : سمعت باللي عم يصير بحارة الضبع يا عقيد
ابو النار : خير شو في كمان
ابو الحكم : الحاله مكركبه من يوم مقتل الحكيم حمزه / وعم يقولوا اللي قوصو كان قاصد معتز // وكمان سمعت انو في حدا باعتو ليقتلو هو وعصام ..
وبعدين سمعت انه معتز صار عقيد الحاره بغياب ابو شهاب
ابو النار : شووووووووو ؟؟
ابو الحكم : وسمعت كمان انه ابو حاتم و كبارية الحاره مو رضيانين عن الموضوع ..
ابو النار : وانت من وين عرفت كل هالشي؟
ابو الحكم : مريت على حارة الضبع لاطمن على النمس لانو صرلي مده مو شايفه . وهو حكالي
ابو النار : اهااا يعني النمس اللي حكالك !!
ابو الحكم : مو بس النمس كمان بقهوة ابو حاتم عم يحكوا بهالموضوع .... ويتابع ..
صحيح عقيد لك ابو ساطور ما بين من وقت ما اخذو النمس وشغلو عند مامون بيك .. وين راح هالرجال ؟
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
المشهد 7 : عمر في بيته ومعه ابو مكوك " ابو عصام " وكذلك اباه .
ابو مكوك : صحيح لك ابني عمر .. بدك تضلك عم تنطوط هون وهون .. لك الزقلك بشغله وتعلم كار يفيدك الله يحن عليك ..
عمر : والله يا ريت يا عمي .. الحال مو ميسره .. وكل شغله بشتغلا / اما بتكون شي يوم او يومين . واذا لزقت بشي شغل عند واحد من هالصنايعيه بتخانق انا وهو .. يعني ما عم تزبط معي يا عمي ..
ابو مكوك : لك يا ابني انت لسعتك باول العمر ما تعلمت شي كار او هيك حبيتلك شي شغله ؟؟
عمر : والله يا عمي اشتغلت فتره طويله صبي عند واحد حمصاني بسوق ساروجه .. بس الرجال عطاك عمره ، وحرمتو وعيالو سكروا المحل وتركوا الحاره وسافرروا عند اهليتهم ..
ابو مكوك : طب افتحلك شي محل واشتغل حمصاني ..
عمر : والله يا ريت يا عمي / من وين وانت شايف الحال ..
ابو مكوك : بيسر الله .. الا ما تفرج ..
عمر : صحي عمي .. انت ما فيك تتذكر شو كنت تشتغل ؟؟ وشو الكار تبعك ..
ابو مكوك .. يصمت .. ومن ثم يقول .. والله ما بعرف .. ما عم اتذكر شي
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆ ☆☆☆☆☆☆☆☆☆☆☆
المشهد 8 : مامون بيك وزوجته فريال خانوم ..
فريال : اي ابن عمي .. هلا صحيح ابن سعاد بدو يصير عقيد الحاره ؟؟
مامون بيك : هادا مو ابن سعاد .. هادا ابن ابو عصام كبير الحاره " الله يرحمو " ، وابن اختو لعقيد الحاره ابو شهاب الله يرجعه بالسلامه .. بعدين ليش ليصير عقيد مهو صار وخلص .
فريال خانوم : " في سرها " يا حبيبي كملت والله .. كان اخوها عقيد وهلا بدو يصير ابنها ..
مامون بيك : شبك يا حرمه ليش سكتتي ..
فريال : لا ابن عمي . بس اتذكرت عمي ابو صالح الله يرحمو ..
مامون بيك: اييييييييييه الله يرحمو .. كان ماسك الحاره والكل يحلف بحياتو .. بس شو بدي قلك
فريال : اامر ابن عمي
مامون بيك : معتز صار عقيد لانو الاحق بغياب خالو ابو شهاب وكمان هو زكرت وابضاي ..
وانا عم قول .. انو الحاره كمان لازم يكون فيها كبير يمسك الحاره ويمشي كل امورها .. ومعتز لحالو ما بيكفي .. هو صحيح زكرت وابضاي بس متسرع وعصبي وكمان باول عمرو .. يعني لازمو واحد كبير يوجهو .. ما هيك ؟؟؟
فريال : شو قصدك ابن عمي .
مامون بيك : يعني عم قول لحالي .. معتز هلا عم يسد الفراغ اللي تركه خالو ابو شهاب .. ولازم واحد ثاني يسد غياب الزعيم " ابو صالح " الله يرحمه
فريال : " باعتراض " بس الفراغ اللي تركوعمي ابو صالح ما حدا بيسدو مين من كان
مامون بيك : شو يا حرمه لكاان انا شو ؟
فريال : انت ؟؟؟؟؟؟؟؟
مامون بيك : اي انا .. ليش في حد احق مني ليحل محل عمي الزعيم ابو صالح؟؟ ... بس هالشي بدو ترتيب وبدو وقت .. وبعدين سمعي يا حرمه.. اذا الكلام هادا طلع لاي مخلوق بالدنيا مو بس بالحاره بقصلك لسانك ..
فريال : " بحاله من الخوف والتلبك .. امرك ابن عمي ..
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆ ☆☆☆☆☆☆☆☆☆☆☆
المشهد 9 :
ابو سليم : اخ لك بوران اخ لك ايمت بدي اشتري العدة من جديد ويصير عندي دكانه متل كل هالخلق والعالم
بوران : طيب ابن عمي ليش ما بتشتغل مع اخي هالفترة لبين ما الله يفرجها واخذ حصتي من ورتت ابي
ابو سليم : لا يا بوران انا واخوكي عصام ما منتفق منوووب بعدين بخاف خالك ابو جاسم يعمل فيني متل المرة الماضيه وموضوع الورته بتشيليه من بالك لاني ما راح اخد منها ولا برغوت .. اومي الله يرضى عليكي حطيلنا عشا .. يابي سليم تعا لشووف
